真係好耐冇打過xanga-3-

緊排都忙緊實習-3- 日日都5.30起身, 實在唔太適應-.-

依個星期有好多事發生..

先係, 無啦啦俾人拎左黎做出氣袋=口=

當然.. 我曾經有為過依件事唔開心, 但係好快冇事lu..

因為我知, 依一切都係自己既選擇.. 所以要堅持, 唔應該放棄!

有人講過 : 「路係自己簡, 唔好怨天怨地, 自己簡既路就應該堅持落去-_-+」

我記得, 依一句成為左我 自我反省 既一個金句-_-+

其實講得好岩, 一直你既路都可能係父母幫你簡, 到依一刻你為自己選擇左喇..

你仲要怨咩? 你既選擇, 你就有責任去承擔..

如果你遇到困難就卻步, 相信你未清楚知道你想要既, 你所追求既係咩-3- 又或者你未夠決心..

但係好慶幸入到依一班, 當我有疑惑既時候, 都會有人鼓勵同支持我.. thank!

早幾日, 為左少事係facebook打左段野..

睇番真係覺得自己好唔成熟, 因為一d咁小既事就諗住放棄..

真係太幼稚/口\ 講真氣依樣野, 邊到唔會受呀!?

但係, 做好自己本份又怕咩佢鬧.. 我並冇做錯!

諗番轉頭, 如果果一刻就放棄左, 我就輸左俾鬧我果個人..

佢鬧我, 我更加要做得好.. 唔可以俾佢睇死\口/   (可能唔係一個咁好既鼓勵方法 )

要做到連佢都要讚我做得好既XD 要連佢都去認同我-_-+

但係段野當中既鼓勵, 係我無時無刻都好想同大家講.. (可能會覺得假左d, 但係我真心架 \口/ )

係喇! 星期六果一日終於執左房喇, 真係真係好開心>0<

攰係攰左d, 而且半死狀加週身瘀.. 但係唔知點解真係好開心, 好有滿足感

所以就算以後幾辛苦, 只要諗起依一日我執完張床既心情..

我諗我唔會再諗住放棄架喇..

因為我已經搵到我人生所追求既野喇! 相信當中既喜悅係冇任何野可以取代架>v<b

anyway, 多謝依個星期關心我, 支持我既人.. 要大家擔心喇^口^

HMA班既所有人都要加油呀! 當然, 仲有我身邊既所有朋友都要加油啦!

好耐未試過負面情緒咁高喇..

亦都好耐冇試過.. 放聲咁去喊喇/口\

今日既我, 就彷如一隻迷失既羊..

不斷地問.. 在哪? 去哪? 其他人呢?

點解? 點解得番自己一個?

有邊個可以一一地徹底解答我!?

有一日, 係某人xanga睇到about朋友既2小句, 唔知點解覺得好岩feel..

所以就問佢借左黎用, 係到同大家分享下*0*

你不開心 ,我會傾聽 ,而且安慰你 ,儘管不知道是不是對你有用。
我不開心 ,你會聽 ,而且你會說些話令我安心 ,儘管不知道這些話是否出自你的真心。

11.7.2009 - 廢話

同幾個fd係msn到傾計, 突然有人問.. 點解人愈大愈多野煩?

可能係因為.. 當人愈大所要面對既野就愈多, 自然就會遇到好多唔同既問題..

加上.. 當我地愈大, 細個幫我地分擔責任既人, 都好自然咁將責任交番比我地..

擔子大左, 問題多左.. 自然就會多左野煩啦@0@

緊排睇緊一本俾人標榜沉悶既一本書 (買左唔睇好哂架-3-) , 當中有好多唔同既哲理..

若果係當初既自己, 有朋友問: 點解人愈大愈煩?   我諗我會答: 人愈大愈會亂諗野掛

依家唔係喇.. 原來係我未踏足過既地方, 無憂無慮既人多的是..

雖然佢地唔係好有錢, 但係佢地願意去接受, 願意去滿足, 願意去享受..

我地好多時都會希望得一想二, 唔願意滿足..

令到自己於忙碌既生活中追求慾望, 忘記左要享受自己既生活..

當失去既時候, 人往往只會想辦法去拎番所失去既, 令自己迷失係當中..

其實學會接受, 比起不斷追求同後悔更加開心.. 但係, 人總係唔願意去接受.

人愈大愈容易迷失自己, 因為得到既野愈多?

或者就係因為咁,

踏足社會, 人便會不斷追求各種各樣既事物, 繼而迷失於慾望當中, 從而變質..

當中既煩惱唔係外來因素所致, 而係因為你比慾望所主宰左..

4.6.2009 - 為自己既人生畫上色彩

其實係好耐之前已經見到個預告片..

今日終於搵到有字幕果段既網址><b

 http://tv.sina.com.hk/cgi-bin/nw/show.cgi?id=b7548e1579901dbf

7月30號一定去睇! 相信係一部唔錯既卡通片XD

單睇預告片, 可見此片以風趣幽默既手法製作, 令整體有輕鬆既感覺..

雖然之前提出左好多關於主角既爭議..

爭議既問題均圍繞住以[老人作為主角, 觀眾層有限!]為題, 主角未能吸引觀眾入場..

但係從預告片可見, 未必如此..

其實迪士尼近年推出既卡通片, 有唔少都令社會出現迴響同爭議..

以'沖天救兵'為例.. 因為主角係一位童心未泯既老人, 而係商界出現好大既迴響!

另外, 迪士尼將推出既第一位黑人公主'公主與青蛙'一片, 亦備受各界既關注..

當然.. 你可以話'哈爾移動城堡'亦係以一名老人為中心人物..

但係唔好忘記依位老人蘇菲既內在始終係一名十多歲既少女..

因此迪士尼冒著風險推出如此罕見題材, 受到爭議亦係可以理解既..

可是係不久之前, '沖'片於康城首映.. 大獲好評! 將一切爭議都打破..

然而, 係香港能否得到一樣既結果真係不得而知..

始終香港觀眾既要求比較高, 另一方面睇係接受程度比較低.. (不喜勿打-.-)

其實向來大部分香港人所追求既都係題材一式一樣既歌及電影..

而一d題材比較偏門(冷門)既則無人問津.. 若果咁都唔係接受程度低的話, 恕我愚昧無知!

其實香港總係推出大多相似類形既歌, 戲及劇集..

歌以情歌佔大半數, 悲情的更多人受落;
戲則以'獨家試愛', '我的最愛'等得人心;
而劇集近年以描寫人性醜惡的主題最為多.   (本人見識淺, 如有錯漏.. 請見諒)

難道香港人所追求的都係一板一眼的!? 就仿如香港大部分人既人生, 都係黑板苦悶!?

年青新一代, 應去追求新事物!     拋走黑白與苦悶, 將自己既人生染上快樂的彩虹色!

以上都係本人的個人意見, 如有得罪.. 請多多包涵!

27.05.2009 - 會考成績不是一切!?

今日睇hk xanga既一篇 - 奪A，又如何？

copy其中一段落黎俾大家睇下啦..

常常獨自躲在一處學習，怕跟其他人接觸，只活在自己的世界，久之變得孤僻而自我中心，
縱然你成績表上有10個Ａ，那又怎樣？
至此，成績表只是廢紙一張。而你，只不過是個空有「10個Ａ」的廢紙的高分低能。

等待會考或高考成績公佈的考生們，請記著，奪Ａ或成績理想，不等於你是一個好人及將會擁有美好成功的人生；
成績不理想，亦不代表你是一個沒用的人並從此沒美好成功的人生。
人格操守和思想觀念，才是決定你的人生成功不成功的主要因素，
人生成功與否，其實建基於你選擇怎樣做、如何做。
而且，躲在被窩裡是不可能有成功的人生，所以，請別讓漫長的暑假將你變成「孤獨」青年。

個人認為好岩..

當大家以為讀完書就唔駛再考試, 錯喇!

就算你係就職, 你都逃避唔到.. 因為你人生就仿似一場考試..

考試當中, 你所做既任何一個決定, 寫既答案, 都係直接影響出黎既成績..

而人生中你所作出既每一個選擇, 就直接影響到你將來既成就..

可能你會覺得好誇張, 但係只要你細心咁諗下..

若果你唔係香港出世, 冇入依一間中學, 唔係入到依一班或者你所選既唔係依一科呢?

你可能會出現截然不同既人生..

因此, 唔好睇少你人生當中所作出既任何一個決定呀!

如果想睇篇文既全文可按此 ->   http://hkblog.xanga.com/702888120/22890a6529221448229142030965311/?cuttag=true#cuttaganchor